PAKUA HAPA ANKO KITIME APP

NAUFUNGA MDOMOWANGU

NAUFUNGA MDOMOWANGU
NAUFUNGA MDOMO WANGU

UTABIRI WA MWAKA 2018 KUTOKA KWA MHARIRI MKUU WA BLOG YA CHEKANAKITIME


Ndugu zangu, waheshimwa na wasiowaheshiwa, wanaoheshimika na wasio heshimika, na wale wengine ambao kutokana na akili zao kuwa na akili nyingi huwa wanapitia blog hii ya www.chekanakitime.blogspot.com kila siku, jana nililala masaa kadhaa baada ya kushangilia ujio wa mwaka mpya 2018. Nilipopata usingizi nilipata maono ambayo niliambiwa nihakikishe nawataarifu wasomaji wa blog hii mara ntakapoamka.

Katika maono hayo nilijikuta nikiambiwa nifungue kitabu kilichoandikwa 2018. Nilipofungua moshi mkubwa ukatoka kisha nikazionanamba 2018 zikijitokeza moja baada ya nyingine, nikaambiwa nizijumlishe hizo namba yaani 2+0+1+8 =11. Nikaambiwa kuwa mwaka huu unatawaliwa na herufi 11, kukopa itakuwa shida sana, kila unaemwendea anakuwa na shida 11. Kama unaenda kukopa benki usiende saa 11, au tarehe 11, au kwenye dirisha namba 11.  Na kwa wale watakaokopa itakuwa shida kurudisha mpaka gundu la 11 lipite Disemba 2018.  Herufi hii inatawaliwa na sayari ambayo bado haijagundulika kwa binadamu hivyo mambo ya mwaka huu ni siri kubwa, hivyo unashauriwa ukiingia gesti kwa ajili ya mambo ya siri funga mlango ili iwe siri, na kwa vile hakuna siri ya watu wawili unashauriwa kuingia gest peke yako ili siri ibaki iwe siri.  Kulingana na namba 11 ya mwaka huu ukiwa unaingia gesti mara kwa mara na kufanya mambo yako ya siri kwa mtindo huu,  hapo ndipo utapata mafanikio makubwa. 
Kwa wanawake namba 11 ni bahati kubwa sana hasa wale ambao wamekuwa wakililia kupata wenza kwa miaka mingi. Namba 11 inaashiria watu kuwa mmoja mmoja hivyo basi rafiki zako walioolewa wataachika nao watakuwa singo hivyo wale ambao hawajapata wenzi watakuwa wengi, na wahenga walisema ‘kifo cha wengi harusi’ hivyo kila unapogeuka unakuta na mwenzio hana mtu basi inakuwa furaha kubwa tu ulimwenguni. 
Kwa wazungu namba 11 inaonyesha sehemu yao ya ubongo ya kulia itazidi kutengena na ile ya kushoto. Hivyo tatizo lao la kuruhusu watu kujibadili jinsia litakomaa kiasi wataanza kufanya opersheni za kujibadili viungo, mkono wa kulia kuhamishiwa kushoto, au mikono kuhamishiwa kwenye miguu, na hata kichwa kuhamishiwa sehemu za siri  na sehemu za siri kuhamia kichwani.  
Neno bangi lilitoholewa kutoka neno la Kihindi bangh, hii inaelezea wazi kwanini watu wa sehemu za huko wengi ni bangibangi hata Kiswahili hawajui, na hata kama walizaliwa Kariakoo na kuzeekea kariakoo, bado unakuta wanashindwa kujua kiswahili, badala ya kuuliza wapi wewe? wanasema vapi veve? Lakini namba 11 inaonyesha kuwa athari ya sinema za Kihindi zitakuwa kubwa kwa Waswahili wengi kudhani wao ni Wahindi, kundi litakaloathirika zaidi ni wale mabinti wanaofanya kazi za ndani kwa Wahindi, hawa watajikuta hata wakirudi mtaani kwao Kiswahili chao kinakuwa kama cha kihindi. Utabiri utaendelea ngoja nikawasalimie Wahindi fulani  hapo jirani nipate spidi ya kuandika…………..
Mhariri Mkuu kuliko wote Mzee wa Chekanakitime

Comments