PAKUA HAPA ANKO KITIME APP

NAUFUNGA MDOMOWANGU

NAUFUNGA MDOMOWANGU
NAUFUNGA MDOMO WANGU

CHEKA NA KITIME NA VICHWA VYA HABARI.....Serena aitwa timu ya Taifa, tunategemea matokeo chanya, Faru Ndugai asakwa



HATIMAE timu ya Taifa sasa itakuwa imepata muarubaini. Ule mchezo wa kufungwa fungwa hovyo sasa umefikia tamati. Mchezaji maarufu wa tenis Serena kaitwa timu ya taifa, ni wazi supasta huyu ataleta mabadiliko chanya kwenye timu yataifa, aise sie wajanja sana

Kwa kweli ni jambo la kufurahisha kuona faru wetu wana majina siku hizi, bila kumsahau supersta Faru John, nashauri waheshimiwa msikate tamaa endeleeni kumsaka Faru Ndugai mpaka mmpate ikiwezekana akatembezwe Dodoma ili nae aweze kuliona jengo letu la Bunge, na pia muone wajina

Aise tunawakaribisha kwetu, Wema umefanya jambo zuri sana kuwahamasisha kuja kututembelea, huku Makumbusho tuko vizuri, tuna stendi ya daladala ambayo iko shahgala baghala ina watu wa ajabuajbu wanakusanya ushuru wa kila basi linalitoka siku nyingine wanatoa risiti siku nyingine wanakidaftari fulani ndio hivyo, halafu stendi imeanza kuchimbika so karibuni muone. Halafu huku makumbusho iko ile barabara ambayo ilimwagwa lami iliyodumu wiki mbili kisha ikategenezewa tume , kisha kimya kikuu kikaingia na barabara haipitiki. Karibuni Makumbusho

Aise huu ni uchochezi kabisa, sasa Yanga wapasue kichwa cha nani? Yanga inatakiwa kucheza soka sio kupasua vichwa. Mimi kama mdau nasema Yanga kachezeni soka, fea plei msimpasue mtu kichwa.

Aise hii mpya sikujua kuwa ukipewa hisa na mgodi mkubwa unaenda motoni. Itakuwa dhambi mpya hii. Hivi Waziri alijua hili kuwa akipewa hisa ni dhambi? Je alijuwa kuwa kwa dhambi hii atakuwa haendi tena mbinguni? Iko haja haya makosa mapya yanayoweza kumfikisha mtu motoni yakawekwa wazi kwa watoto.

Kiukweli hata mi nakuna kichwa toka jana, Kuna kavidio nilikaona, chombo cha dola kinamwambia Tito akubali kosa, Nabii hakukiri kosa, baadae nikasikia chombo cha dola kinasema nabii chizi, sasa si wampeleke hospitali, kwanini kukuna kichwa cha nabii, si mmeshampima na kumuona chizi. Halafu Nabii kaamua kuwa hiyo ndio imani yake na Katiba si inasema ruksa kuamini  dini yako, yaani hapa nimeshakuna kichwa mpaka nywele zimetoka

Oyaa nyie Waganda kumbe Trump alikuwa anawasema nyinyi? Hapa hamuwezi kukataa mkuu wenu kakubaliana na Trump. Aise lakini inawezekana kuwa kweli nyie si mko chini kidogo ya Ikweta? Msirushe ngumi bwana Mkuu wenu kakubalia kuwa nyie 'Tundu la......'

Wapi tena walipovurugana? Usituvuruge bwana mhariri tulisoma hiyo ishu hakuna kuvurugana pale

Hali tete? Au hajaumia? Mnajua nyie mnatuchanganya sana, sasa tumuamini nani kati yenu, Kwa anaejua nani feki tukutane inbox

Hao ndio wanasiasa, hawanaga msimamo, wanataka Demokrasia lakini hawataki kulipia, lakini wanataka mishahara mikubwa ya kutetea demokrasia. Ili yasitumike mabilioni si tuachane na demokrasia au............

Blog yetu ina mafaili kadhaa ya watu waliowahi kutangaza kuwa wako tayari kufa. Blog ina mafaili ya njia nyingi tu za bure au bei ndogo za kujiua, lakini blog haina faili hata moja la aliyetekeleza maamuzi yake. Kamba zipo hawajinyongi, sumu ya panya kila kona hawanywi, mito bahari kibao hawajitosi. Acheni hizo bwana

We Dully vipi? Wenzio tunatafuta chansi hizo we unazikimbia. Ukiona kuna bifu ni muda muafaka kutafuta kaugali ukala vizuri, we hujui bifu kwa ugali ni chakula kitamu sana? Sasa we unakimbilia mifupa umekuwa fisi? Siku nyingine ukisikia kuna bifu niite nakuja na ugali au hata mkate au chapati nalumilia

Good ukiongeza sukari kwenye unga wa Yanga ni tamu sana , tena Chirwa hebu nielekeze duka gani wanauza unga wa yanga siku nyingi sijala yanga

Comments