ONYO MAWICHDOKTA WAMEANZA KUTIBU KIDIJITALI YAMENIKUTA LIVEE

Kwa kweli nilikutana na binti mmoja juzijuzi Njenje, roho ikanitoka. Kila nikitry kumkonyeza wala haniangalii. Nikamtuma weita amuulize anataka drink gani, kagoma kunywa chochote, nikaona problem yake ndogo, mji mzima umejaa matangazo ya waganga wanaoweza kukufanya upendwe. Nikamuendea mganga mmoja aliyedai anaweza kukufanya umpate mpenzi bila jasho, nikampa the whole ishu, witchdoctor akanambia dawa rahisi sana atanipa pete inaitwa Touch and follow. Ila nimtumie airtime ya shilingi alfu thelathini kwenye hendset yake. Haraka sana nikafanya hivyo nikakabidhiwa pete. Masharti rahisi sana kazi yangu ni kutafuta yule demu nihakikishe pete inamgusa tu atanifollow kila mahala. Basi nikamsaka demu nikamkuta Lango la Jiji anasikiliza Taarab, nikamgusa na pete  kisha nikatoka ukumbini kumsubiri, ngojaaa ngoja na wewe, dah hakuna cha kunifwata wala kunifollow. Nikasepa home nimenuna kishenzi.  Kufika home nafungua Whatsapp nicheki washkaji nikakuta demu kanifollow, kucheki Twitter kanifollow, Instagram, Tango, Badoo, Facebook kila mahala kanifollow duh. Kesho yake mapema nikaenda kwa mganga na kumpandishia, nikamuuliza mbona yule binti nimemgusa hakunifuata?. Nae kaja juu, 'We fala nini siku hizi mambo kidijitali. Huoni sikukuomba kuku wala mbuzi nimeomba unilipe airtime, na kwa hiyo huoni binti anakufwata kila mahala kidijitali? Hebu sepa" Nikawa mpole mwenyewe

No comments:

Powered by Blogger.