USIPATE TABU SIKUTOSI BAHARINI

Jamaa alimkuta mwanamke mmoja pale Ferry analia, akamuuliza shida, yule mdada akasema maisha yamemshinda anaona heri ajiue, maana maisha hapa Bongo shida tupu, kazi hapati madeni yanazidi. Jamaa akamwambia kuwa yeye ni baharia kwa hiyo kama akikubali atamuweka kwenye boksi kisha atamficha kwenye meli yake na wataweza kusafiri mpaka Ulaya wakifika huko atamuoa. Bibie akaona heri hilo, akaingia kwenye boksi jamaa akambeba na kweli mdada akajikuta yuko kwenye stoo moja wapo katika meli, jamaa akawa anamletea chakula kila siku na mara nyingine yeye mwenyewe analala huko kwenye hako kastoo, akimhakikishia mdada kuwa wanakaribia visiwa vya Komoro, na kisha hutoka na kuendelea na shughuli. Ilipita wiki ndipo yule mdada akagundulika na nahodha wa chombo hicho, alipoulizwa anatafuta nini mle?, akalazimika kueleza kila kitu, na kuwa anamuomba nahodha asimtose baharini bali amlinde mpaka watakapofika Ulaya. Nahodha akaanza kucheka mpaka machozi yakamtoka, 'Wala usipate taabu mama, siwezi kukutupa baharini, ila jamaa yako kakudanganya hii si meli ya kwenda Ulaya ni pantoni ya kwenda Kigamboni, tukifika huko shuka uende kwenu'

No comments:

Powered by Blogger.