SILIKALI YASHAURIWA KUWEKEZA KWENYE KUONGEZA UMAHIRI WA MCHEZO WA BIG BLAZA

Waheshimiwa Wabangi, kwa kuwa nchi yetu imekuwa bingwa wa kushindwa michezo yote, na kwa kuwa kumekuweko na uwekezaji mkubwa wa michezo fulani ukiwemo soka lakini matokeo yake ni kunyambikwa na kila timu ijayo, Je, silikali haioni umuhimu wa kuwekeza katika mchezo wa Big Blaza ambao tayari vijana wetu wamekwisha wahi si tu kufika fainali lakini kila mara kuwa katika top 5 za washiriki wa mchezo huo? Je silikali haioni umuhimu wa kufungua vyuo vya kufundisha mbinu mbalimbali za kushinda mchezo huo ikiwemo, jinsi ya kukwepa kamera zilizoko bafuni, namna ya kulala kwa kujifunika shuka bila shuka kuchezacheza, na mbinu mdala nyinginezo? Je silikali pia haioni kuwa muda umefika wa kuanza kufanya mchakato wenye mkakati wa muda mfupi na mrefu na kufanya mchanganuo wa kuweza kupata uhakiki wa umuhimu wa swala hili muhimu kwa vijana wetu?
Na hasa ikizingatia wapiga kura wengi wanakesha wakiangalia bila kuchoka Big blaza?

No comments:

Powered by Blogger.