Translate

30 June 2013

BREAKING NEWS..BECAUSE OF OBAMA SPEAK ENGLISH ONLY

Kutokana na ugeni huu mkubwa kutoka Marikani, blog hii muhimu kwa wageni italazimika kuwa ya Kiingereza kwa siku mbili Jumatatu mpaka Jumanne ili kama Mr President anataka kusoma awe anaelewa...........Because of this big strangers from America, this impotent blog  is to be for English for 2 days.  Monday to Tuesday, so if Mr President want to read he understanding to  read......
First of all, welcome to Bongo land, we are very well. Are you well? Okay, the Mhariri of this blog is very very well, so please sit down. You can put matangazo of Democratic party on this famous blog , this will help overcome the problem of publicity for new members. It is vere vere chip Obama Hoyee. This blog is very famous in Bara hadi Pwani. Even Mr Presdent of here is read this blog evry day, must yaani. So you are welcome Sir

Welcome guest the local is get well,,,MGENI KARIBU MWENYEJI APONE

Because of Mr Obama he com tu Bongolend from tumoro this blog is speak English only

UCHAMBUZI WA JUMAPILI..ETI JAKI KAKUTWA HAJAVAA KUFULI

Jack, Jack, Jack kwanini wanakuonea masikini mtoto wa watu? Yaani ishu kama hii ndio wanakuandika jamani, kama si uonezi ni nini? Kwani wao wamevaa kufuli? Ninavyojua mimi kufuli hutumika kufungia milango, hii ishu ya binadamu kuvaa kufuli imeanza lini? Nashauri uwapeleke mahakamani ukawashtaki kwa kukulazimisha kuvaa kufuli wakati wewe sio mlango.
  Japokuwa kuna wajinga wajinga wachache wanavaaga kufuli kama hawa hapa lakini si sawa wakulaumu si eti ee. Mbona watu wengi tu havaaagi kufuli?
Huyu sijui mkaka au mdada sijui kavaa kufuli kiunoni

Mkaka kavaa chupi yenye kufuli

Madada kavaa kufuli sikioni

NYAMAZA NATAKA KUTAGA

Machizi watano walitoroka hospitali yao wakaenda kujificha kwenye banda la kuku. Haikuchukua muda mrefu walikamatwa maana walikutwa wakirukaruka na kupiga kelele wakijifanya kuku ili wasionekane. Ila moja alikuwa kachuchumaa kimya, hivyo madaktari walipowakamata wenzie yeye hawakumgusa maana walihisi japokuwa yeye ana unafuu.
DOKTA: Naona wewe una nafuu, siyo kama wenzio waliokuwa wanadhani wao kuku
MGONJWA: Shhhhhh usipige kelele nataka kutaga

BOSI KUNA KAMPUNI KUBWA ZINANITAFUTA NIONGEZE MSHAHARA MAPEMA

DEVI: Bosi tafadhali pliiizz naomba uniongeze mshahara, yaani uje hapa bosi kuna kampuni mbili kubwa zinanitafuta sana kwa udi na uvumba bosi BOSI: Loh kumbe una umuhimu hivyo? Kampuni gani hizo? DEVI: TANESCO wananisaka, DAWASA wananisaka
BOSI: Wanataka kukupa kazi gani?
DEVI: Madeni bosi madeni wananisaka kwa madeni.

29 June 2013

USIPANGE KUFUMANIA OHOOO

Jamaa kataarifiwa kuwa kuna mtu anatokelezea na mkewe, akaamua kupanga fumanizi kumaliza ubishi. Siku hiyo akapata taarifa kuwa mkewe atakuwa Ugonelye Guest na jamaa yake, akafanya Umafia wa hali ya juu na kweli akamkuta mkewe na jamaa wakiwa hoi kwa raha zao. Mgoni akakimbia wakabaki mtu na mkewe. Jamaa machozi yakawa yanamtoka kwa uchungu;
JAMAA: Mke wangu yaani unanifanya hivi mimi? Unanisaliti bila huruma, Nimekukosea nini mimi?
MKE: Mume wangu nakiri nimekukosea, najisikia vibaya sana, kuna kitu naomba niongee
JAMAA: Tena useme kinachoeleweka kabla sijakuuwa, nina hasira sana.
MKE: Mi nimekukosea mno, kwa hiyo naomba uniache
JAMAA (kwa upole): Ngoja kwanza mbona unafika mbali, mi sijafika huko
MKE: Hapana mume wangu, we niache nimekudhalilisha sana, mi naenda kwetu
JAMAA: Sio hivyo mke wangu, tufanye haya ya leo yamekwisha tuanze ukurasa mpya
MKE: Mi sitakuwa na raha, na ninaweza kukusaliti tena
JAMAA: Usijali hayo mke wangu mi ntakuwa nakusamehe
MKE: Mi naenda nakwenda kwetu
JAMAA: Please please usiende kumbuka tuliko toka, haya ni mambo madogo, kwanza hili ni kosa la kwanza tu mpenzi wangu, kosa moja halivunji ndoa……………….

KIPANYA KUKUTANA NA KIPIGO?

Pamoja na kutaarifiwa kuwa watu wasionekane na mabango, Kipanya kwa ubishi wake katayarisha mabango ambayo ana nia ya kuyabeba na  mwanae. Yaani unakumbuka kuwa watu namna hii Mzee alisema wapigwe? Yaani sijui nimtukane mtu lile tusi linaloruhusiwa kisheria? Ene wei Kipanya anchokoza nyuki si hatuamulii hivyo ohooo

BLOG YALAZIMIKA KUOMBA MSAMAHA....mhariri wake aamka na heng ova ya ulanzi

Blog yenu hii isiyo na chembe la kitu chenye maana inalazimika kuomba msamaha maana Mhariri wake kaamka na heng ova akachelewa kuchambua vichwa vya habari eti alikuwa anasherehekea ujio wa Obama na Bush na saa hizi ndio anajidai yuko bizeee
 
 Serikali wachukue hatua haraka za kuwakama hawa watu watatu, why wawe wanatumia hiyo kondom moja? Afande nanihii mzee wa intelijensia atumie wapelelezi wake wawakamate wakorofi hawa.

Wamasai je? Sasa hapa jamani mnanikonsiv, I mean mnaninikofyuz
Hahahahaha itakuwa yule mama wa kule ng'ambo kawaloga, sasa itakuwa nini tena mpaka wafe kitatanishi? Au serikali yetu sikivu ikapige ramli

Luleni Kanali? Hiki kitakuwa cheo kipya kabisaaaaaaaaaa


Jamani jamani eh mi bado naheng ova mtatafsiri wenyewe

28 June 2013

BABA MPENDWA NIMEVUNJA AMOEBA YA SHULE

Baba yangu mpendwa, Shikamoo.
Nakuandikia barua hii nikitegemea kuwa wote hapo  nyumbani mko salama. Je, Uliweza kuuza ng'ombe yule safari hii? Nimengojea sana uniambie kuhusu hilo. Je, mama anaendeleaje?
Nia na madhumuni ya barua hii ni kukutaarifu kuwa huku shuleni mimi nimepata tatizo kubwa ambalo linaweza kuleta matatizo mpaka hata wewe ukafungwa. Baba yangu mpendwa tulikuwa katika shughuli za kawaida tu kwa bahati mbaya nikaangusha chupa iliyokuwa na AMOEBA ndani yake, sasa wanataka kunifukuza shule, au kuja kukukamata wewe mzazi wangu kama sitalipia Amoeba hii ya shule. Shule nzima kulikuwa na amoeba moja tu, maana nyingine zilichukuliwa na serikali siku Rais alipokuja kutembelea shule yetu. Sasa wakimwambia Rais kuwa ukoo wetu ndio umevunja Amoeba iliyobaki ikatuwa hatari sana kwetu. Naomba tafadhali tuma upesi hela kiasi cha shilingi Laki tano ili shule iweze kuagiza Amoeba nyingine kabla Rais hajajua.

Mwanao mpendwa Frank

MASHINE KUBWAAA

> Mzee mmoja ya miaka 80 alioa kabinti ka miaka 21. Baada ya mwaka binti akajifungua mtoto wa kwanza, mzee akawa anapita na kujigamba kuwa yeye mashine kubwa. Baada ya miaka miwili binti akajifungua tena mtoto mwingine, kabla hata hajamuona mtoto akapita mitaani tena akijisifu tena kuwa mashine kubwa. Alipofika hospitali akamkuta nesi,
Mzee: Nesi mashine kubwa nimefika wapi mali zangu?
Nesi: Mzee mashine yako inatumia mafuta ya Kichina?
Mzee: Kwanini unanuliza?
Mzee: Badilisha mafuta maana safari hii kazaliwa Mchina

ASHURA MACHUPA AELEZEA ALIVYO KWENDA KWA MGANGA ILI AWE SUPERSTA KWENYE TAARAB--LIVE

CHEKANAKITIME YAPEWA MTAA MARIKANI

Baada ya Obama kupanga kuja kutembelea Tanzania, aliwatuma FBI kupepeleza ni blog gani inayoongoza Tanzania Bara, Visiwani, vichochoroni, vyumbani, madukani, maofisini, mbugani, hospitalini na kadhalika. Blog ya www.chekanakitime.blogspot.com ikawa ya kwanza kujitokeza. FBI waligundua kuwa hakuna blog inayoweza kuishinda blog hii kwa kuandika mambo yasiyo na maana wala ushahidi, na blog iliyokosa kabisa Breaking News, haina picha za mademu wakali, wala nyimbo latest, wala picha za masupasta,halafu inariiinga wala haitaki kutumia katendpesti kwa ujumla haifai katika jamii ya blog za Tanzania. Hapohapo Obama akapiga makofi sana na kusema 'Mbona majanga' na haraka akamtumia text message Mkuu wa Wilaya ya New York atafute mtaa ili uitwe Chekanakitime Street, Mkuu wa Wilaya akaitisha kamati yake ya ipango miji ili kutekeleza amri halali toka Ikulu, ndio pale Katibu kata wa kata ya New York City akapendekeza Mtaa maarufu wa Broadway ubadilishwe uitwe Chekanakitime Street. Mjumbe wa chama cha upinzani kama kawaida akaanza kupinga, wakamtoa kwenye kikao kwa kuwa alikuwa kavaa jezi ya Yanga. Kikao kikaendelea na kupitisha uamuzi huu uliotukuka. Wananchi wamepokea kwa shangwe ujio wa jina hili maarufu. Ingawaje kwa sababu za roho mbaya ukigugo jina hili halitokei linatokea la zamani.
 Hongera Chekanakitime

PATA NAFASI YA KIPEKEE YA KUTOA USHUHUDA

Mdada mmoja linitumia vocha ya shilingi alfu mbili kwenye namba yangu 0758474500, baada ya siku mbili akaokota pochi ina shilingi laki mbili. Mwanafunzi mmoja wa Moshi alinitumia vocha ya shilingi 500, ghafla akakuta kateuliwa kuwa Prefect, meneja moja wa kampuni kubwa alinitumia shilingi 30,000 kwenye mpesa kwa bahati mbaya, akajikuta amependekezwa kuwa mkurugenzi wa kampuni, msanii mmoja andagraundi alinitumia vocha ya 5,000/- kesho yake akajikuta wimbo wake unapigwa radio zote na video yake inagombaniwa, hata mimi sasa naanza kupata na wasiwasi kuwa kuna muujiza mkubwa katika namba hii. Jaribu ili nawe uweze kutoa ushuhuda

MDADA NAOMBA NIKUOE

MKAKA: Sweety mambo?
MDADA: Poa asante
MKAKA: Samahani dada, mimi ni kijana ambaye nimekuwa nikikufuatilia kwa muda sasa, na nimegundua wewe ni mtu ambaye ningependa uwe mke wangu niishi nawe milele, naomba nikuoe
MDADA: Haleluya, hatimae sala zangu zimejibu, nimepata taabu sana mimi kaka, nimedanganywa na wanaume wengi nikajitahidi kutumia waganga wengi ili nipate mume haikuwezekana, nikaamua kuokoka , nikafunga sana na kukesha sana na kutoa sadaka sana hakikutokea kitu, nikaamua kujiingiza hata katika klabu za mpira, mwaka mmoja nikawa Yanga mwingine nikawa simba, wapi sikupata mume wa kunioa, nikajikondesha niwe na shepu ya kimiss lakini bure, nikahama toka Moshi nikaenda Tanga na hatimae kuja kuja Dar haikusaidia, nikajiunga na facebook, twitter, instagram, whatsapp nikaanzisha mpaka blog ya kujieleza natafuta mume, sikupata mume  wa kunitamikia atanioa, nikajitahidi kuhudhuria maharusi mbalimbali bure, hatimae leo maombi yangu yamejibu, asante sana kaka niko tayari hata leo kufunga ndoa
MKAKA: Nakutaniaaaaaaaaa

HAYA WOTE MSEPE SHENZTAIP

Bonge ya mnuso ulikuwa unaendelea tatizo likawa maget krashaz ndo wengi zaidi, jamaa akaskuut atawatambuaje, akasimama akatangaza.
MWENYEJI: Wale ndugu wa bibi harusi simameni hamieni viti karibu na lango.....jamaa kama 20 hivi wakahamia huko
MWENYEJI: Wale ndugu wa bibi harusi wahamie viti jirani na hao wenzao....watu kama 30 wakahamia.
MWENYEJI: Haya wote nyie tokeni nje maana hii ni birthday party yangu hakuna harusi hapa

UCHAMBUZI YAKINIFU WA MAVICHWA YA MAGAZETI YA LEO

Kama kawa magazeti kadhaa yameletwa mezani kwetu, samahani yameletwa kijiweni kwetu, niwe mkweli hatuna hata meza mabosi wa blog hii wameuza kila kitu, waliinvest wakajua watapata matangazo kumbe inshu ya matangazo ya blog inaendaga kisegemnege. So kama Mhariri wa kiana nimeyaweka magazeti mapajani. Ok sasa kazi, kimsingi ili kuelewa vizuri kichwa hiki cha habari kwanza tukitafsiri Kiingereza, and then tutajua what was the editor not talking about si ndio? Kwa kuwa neno Madege nimelikosa kabisa kwenye kamusi yangu ngoja nigugo translate......hold on....... 8 planes of Obama yatua dar....alaaaa okay
Mhhhh hapa ndio sielewi kabisa, kikwetu kuku hutetea mayai, so!!!!!!! ndio kusema kuwa.....dah aise
 
 Sijui kilikuwa kimelowa sijaelewa kabisaaaa

 Dah ina maana FBI wamepata taarifa kuhusu kale kaskendo ketu ka kuchakachua. Hii bonge ya soooo, au lah ingekuwa poa tu, mafuta yatoke kwao kwanini waje na ya kwao?

Nashauri nae apewe ulinzi, barabara zifungwe, na pale mbele ya klabu ya nanihii si pafagiliwe pawe pasafi, tena nae apewe kamtaa.

NANIHII AKIKASIRIKA KUMBE ANAWEZA KUUWA DAH

27 June 2013

OYAA WATANI ACHENI SOKA NENDENI MKAANZE KILIMO

Kwa kweli usajili tuliofanya this taim, niwe mkweli timu pinzani mtakoma, yaani tumejipanga kiukweli. Tumepata wachezaji toka pande mbalimbali za Afrika, yaani tukianza ni kipigo cha Tahiti Style. Si mchezo, ushauri wa bure,  acheni soka nendeni katafuteni kazi nyingine maana dah tumejipanga aise

BLOG FEKI NA UCHAMBUZI FEKI WA VICHWA VYA MAGAZETI YA LEO

 JAMANI serikali iwage na huruma nyeee. Yaani huyu binti mdogo namna hii yenyewe inamkalia kooni si atashindwa kupumua? Kiukweli nawashauri wabunge ambao ni muhimili mwingine waitoe serikali shingoni kwa Aunt wetu, bado tunamhitaji kwanza kaolewa juzijuzi tu halafu nyie mnamkalia shingoni, Not fea washkaji not fea

Yanga kiboko, hii triki lazima na Man U na timu nyingine wajifunze, kamata fowadi wa timu pinzani halafu unamficha, unakuwa umekata kabisa jeuri yao. Mechi ikianza fowadi hayupo, au ili utamu uzidi unamficha na kipa, mechi pyeee timu haina kipa shenzi zao, hapo ni mabao utadhani unacheza na Tahiti. Hongera Yanga kwa ubunifu.

 Blog hii imeshalalamika sana kitendo cha nchi moja kuiuwa nyingine. Sasa hapa itakuwaje? Ningeshauri Tahiti ijitoe muhanga na kwenda kuamulia sekeseke hili, nchi ikifa wananchi wake wanaenda wapi? Wasije wakawa wakimbizi Bongo maana ndio kituo kikubwa cha wakimbizi. Umoja wa Mataifa amka mambo yanaharibika huku

 Tunapinga hiki kichwa kwa nguvu zote. Sisi huku Manzese na Tandale hatukubali kutekwa tutafait mpaka mwisho, hayo mambo ya hukohuko kwenu Maostabe, Ma sijui Masaki, sisi hatutekwi , wajumbe wetu wa serikali za mtaa watabaki walewale. Habari ndio hiyooo. HATEKWI MTU HAPA

Mmesikia nyie wakuja, tumejaa huku, msijeeee, atakaebisha amri halali si mnajua maelekezo yaliyotolewa wiki iliyopita? Tusije kulaumiana ohoo, Msiije mpaka Bosi aondoke


DUH Yanga ndio sisi mnuso sio ishu hatutakiiii, na wala hilo pilau hatuliii, kawapeni jamaa zetu sisi hatuna dhiki. Yanga Hoyeeee

26 June 2013

ULINZI MKALI WA RAIS OBAMA...KITIME KUHUSISHWA?


Katika harakati za kawaida za wabongo kutumia opotyunity, mwanamuziki asiyejulikana sana John Kitime amependekeza gari lake kutumiwa katika usafiri na ulinzi wa Ndugu Obama hata ikiwezekana alitumie kwa mizunguko yake hapa tauni. Uzuri wa gari hilo atakuwa haonekani na wabaya wake hata wazuri wake. Pia kuna nafasi ya kufunga mitambo ya kisasa ya ulinzi wa mabom ya nyuklia na utu tubom twetu twa kawaida. Halafu halili mafuta sana kwa hiyo haliwezi kumkost sana.  Anayejua konekshen kamisheni ipo

UONGOZI MOROGORO WAINGIA KATIKA MCHAKATO WA TUZO YA CHEKANAKITIME 2013

Morogoro Bus Stand Revolving Doors teh teh teh
Blog hii isiyo na chembe cha moyo, ikiwa katika pita pita zake kufanya utafiti wa washiriki wa Chekanakitime Awards 2013, imeona ni muhimu na haki uongozi ulioweza kutumia mamilioni ya shilingi kuagiza milango hii ya kuzunguka na kisha kuijengea kibanda katikati ya uwanja wa stendi ya Morogoro, kwa kweli unastahili tuzo toka kwa blog hii iliyowahi kupata tuzo ya kuwa blog isiyo na maana kabisaa. Bado eti hata huyu mhariri feki wa blog hii anajiuliza hii milango iliwekwa ya nini? Au kwa kuwa hata Ulaya kwenye stendi nako kuna milango kama hii? Pesa za kununua milango hii zilitoka wapi? Si heri wangeipa mkwanja huo blog hii ili izunguke nchi nzima kutafuta wananihii (samahani sisemi hili neno wasije wakanihoji) wengine ili wapewe nao tuzo?

WANATAFUTA KUSHIRIKI 100% DANCE

TUNASIKIA KUNA MASHINDANO YA KU DANCE WANAANDIKISHA WAPI? TUNAOMBA BLOG ITUSAIDIE TUJULIKANE................duh haya tena.

UCHAMBUZI WA KIMBUZIMBUZI WA MAGAZETI YA LEO

 Okay  okay okay, kuna maswali kadhaa yanahitaji majibu, Alinunua lini hii meli? Je aliicheki kama haina matundu chini? Je alinunua road licence? Ilikwisha lini? Alinunua Uchina? Kuna maswali kadhaa ambayo bodi ya wakurugenzi wa blog tumeona tujiulize kabala hatujatoa msimamo wa blog.

 Dah Mbunge kamloga nani tena? Inajulikana kuna wengi wanatumia teknolojia hiyo, sasa huyu mpaka akasimamishwa ina maana alipewa masharti ya ziada. Au alianza kuzima nyota za wenzie? Au alivunja yai viza kwenye ukumbi wa Bunge? Why why, aftaol ukubwa huku Afrika unaambatana na utamaduni kidogo au siyo?

 Ajali ni kitu kinachotokea kwa bahati mbaya, sasa ishu ya watu kufanya makusudi kwanini iitwe ajali? 

 Hii itakuwa ni kwa kuwa mashine zetu za kunyongea hazifanyi kazi, kwa hiyo tumelazimika kupata wawekezaji katika taaluma hiyo. Kwa hiyo ishu ya kunyongwa ukihukumiwa hapa kufanyika Ulaya.Teh teh teh kuna watu walivyo waroho wa kwenda majuu watang'ang'ania kwenda kunyongwa Marikani

Sasa huu ni ukorofi, nyie ndie wenye mitambo ya simu sasa na nyie eti mnabip dah, serikali ikiwapigia mtaidai hela ya kupiga, acheni hizo jamani pigeni simu kieleweke mnabip hata nyie?

Usupa sta kazi kweli, eti ukikuna kichwa watu wanaandika, ushauri kwa masupasta mkiona sehemu nyingine fulani zinawasha msikune hadharani watawaandika. Supasta nanihii kakuna tako, yule mwingine kakuna kwapa hahahahaha

KIPIMO CHA UFUNGAJI BORA CHA MESSI NA RONALDO KINAKUJA

Kuna mkorofi mmoja tena mdada katuma ujumbe huu kwenye hii blog ya nguvu.....MESSI NA CRISTIAN RONALDO SI WANAJIFANYA WAFUNGAJI BORA? JEURI YAO TUTAIONA RAMADHANI IKIANZA....wadada wengine majanga


JAMAA AKESHA AKISUBIRI UJUMBE WA SIMU TOKA KWA KIDOTI

Jamaa alikuwa anampenda kweli Kidoti, akikuta gazeti lenye picha ya binti huyo lazima alinunue, lakini akawa hana njia ya kuwasiliana na Kidoti kumueleza yaliyomo moyoni mwake. Siku moja akabahatika, rafiki yake mmoja akampa namba ya simu ya Kidoti, hakuamini bahati hii, akarudi nyumbani anatetemeka anapanga maneno mazuri ya kuandika katika mesej kupeleka kwa Binti Kidoti. Hatimae usiku akiwa kitandani kwake akaweza kutunga maneno matamu ya kumtoa nyoka pangoni, akiwa na uhakika kuwa Kidoti hawezi kukwepa kupata hisia akatuma mesej ile.
Dakika chache baadae, simu ikatoa mlio kuonyesha kuwa kuna mesej imeingia, jamaa jasho likamtoka kwa furaha akiwaza aina ya jibu ambalo litakuwa limetoka kwa Kidoti. Akaona ili afaidi heri ajibane asome mesej ile asubuhi baada ya chai.
 Asubuhi akawahi kuamka na kuoga vizuri, akanywa chai kisha akachukua simu na kufungua meseji toka kwa sabuni yake ya roho. Akakuta mesej ikisema,' Salio lako halitoshi kutuma ujumbe huu tafadhali ongeza salio'

25 June 2013

UNAMJUA MARCO TIBASIMA, KAMA HUMJUI KWANINI HUMJUI

 HAHAHAHAHAHAHAHAHAHAHA

MMAMA AMTAFUTA MUMEWE KWA MAMBANGO YA KIINGEREZA


Kwa kweli wamama wengine wangeiga mfano huu kutatua matatizo ya wababa kupotea ghafla. Wakitumia njia hii kuwazukia nyumba ndogo waliowaficha wababa, tatizo la nyumba ndogo lingepungungua kwa kiwango kikubwa sana. Mmama anachukua ukoo wake wote anawapa mabango wanazuka mtaa husika kwa maandamano, lazima nyumba ndogo hapo akubali kushindwa, na kama ndio wale wenye tabia ya kuwa wasafi kwa kufua nguo za mzee alafajiri, italazimika wamruhusu mzee avae nguo mbichi arudi nyumbani haraka.Tena muwe mabango mnaandika kwa Kiingereza pia kusudi wafadhili wawe wanaweza kusoma kuwa kuna nyumba ndogo imeiba mume. You see. Nawasilisha hoja 

UTATEGEUA KIUNO OHOO

Sasa mwanawane unataka kuteguka kiuno siku ya harusi? Haya mambo ya kufwata mkumbo eti na wewe lazima umbebe bi harusi, utakuja toa harufu mbaya hadharani bure ohooo. Hayo mambo waachie wanaooa ViMiss Mtaani, wewe na huyu Miss Mbantu tumia mbinu nyingine

24 June 2013

ETI WANAUME HAWAWEZI KUVUNJA UNGO...UWONGO MTUPU WANAWEZA

Watafiti makini wa blog hii wamegundua kuwa wanaume wengi wana nyanyaswa kijinsia halafu hawasemi. Kwa hiyo bodi ya wakurugenzi ya Blog imetoa maagizo kuwa blog hii iwe mtetezi wa wanaume ambao wananyanyaswa bila kosa lolote, na kwa kuwa tu maskini wamezaliwa wanaume, hii sio haki kabisa kikatiba. Wanaume huwa wananyanyasika halafu kwa aibu au mara nyingine baada ya kipigo kikali wananyamaza tu hawasemi kumbe wanaumia ndani kwa ndani. Blog hii ambayo imefungwa mtambo wa kurekibisha tabia leo unaanza ukombozi wa wanaume kwa sentensi ya kudhalilisha sana eti 'WANAUME HAWAWEZI KUVUNJA UNGO'. Hakuna kitu cha kudhalilisha kama hiki, na wanaume wengi hukaa kimya na kumezea tu wanaposikia sentensi hii dhalimu. Labda utaniuliza kwa nini wanaume wanakubali kudhalilishwa namna hii?  Utafiti umeonyesha kuwa wanaumbe ni viumbe wapole sana wasiopenda fujo, hivyo wakisikia neno hilo huwa hawabishi wanajinyamazia tu. Lakini je ni kweli mwanaume mwenye nguvu zako timamu huwezi kuvunja ungo? Utafiti umeonyesha wanaume wanaweza kabisa kuvunja ungo ila hawataki tu, mwanaume akiukamata vizuri ungo anaweza kuuvunja hata kwa mikono na akishindwa ataukanyagakanyaga kwa miguu lazima uvunjike. Hivyo basi wanaume wote kwa pamoja tusimame tuseme kwa pamoja  ''TUNAWEZA KUVUNJA UNGOOOOOO


MAGAZETI YA LEO...HOFU YA RAIS SHOGA!!!!!!!!!

Nawaza tu uchaguzi umeshakamilika, tume husika inasoma matokeo kwa kumalizia,' KUTOKANA NA MATOKEO YA KURA  HIZO, SASA TUNA MTANGAZA AUNTY MUU KUWA RAIS WETU MPYA KWA KIPINDI CHA MIAKA MITANO IJAYO' hahahahahaha
Rais mteule atakapoanza kutoa hotuba ya shukrani'
'Ndugu wananchi, halo halo ya chama changuuuu. Mambo wananchi wangu na mashosti zangu? Mambo ndo hayo ikulu tushachukua haloooooo. Hapa kutawala majungu kwenu au siyo mashoooo, watajiju mtoto wa mwenzao ndo nshakuwa rais hivyo haloooooooo. Nawakaribisha mashosti zangu mje Ikulu leo tusage mirungi mpaka asubuhi au vipi? Najua mtanipa mipango ya ukweli ya kutawala nchi hii. Ila mi siipendi mipolisi ntaiondoa muwe mnaingia Ikulu kila mnapotaka au siyo mashostiko? Haya ntaongea badae naona mijitu imenuna haipigi hata makofi. Mtausaga mtama muubwie wenyewe haloooooo"

23 June 2013

MSIWAPIGEEEE WAPENI BISKUTI NA BANGI


Wananji wengi wamekuwa wakichangia ile taarifa ya mtoto wa mkulima iliyotoa mwongozo kuwa wakorofi watandikwe.   Kuna makundi mawili moja likiunga mkono na jingine likipinga mkono. Blog hii isiyo na chembe cha moyo nayo imeona ijimwage katika uwanja huu kwa kuwa ina mawazo mapya kabisa, na mtizamo     tofauti na kila mtu.
Kutokana na matamshi ya mara kwa mara ambayo blog hii          imeyakusanya na kuyajadili kwa kina, wahariri wenye ujuzi unaotilia shaka,  ambao wanaendesha blog hii wamepata majibu       kuwa Bongo ni nchi ya kipekee sana, ni nchi iliyojaa wananchi   watulivu wapenda amani na wenye uelewa wa hali ya juu.
Mbongo ukimwambia, "Acha" hapohapo anaacha. 
Mbongo ukimwambia “Twende kituoni”,  haraka anafanya hivyo bila nini wala nini, hata kama kituo chenyewe cha polisi au cha 
basi,  mara nyingi anatangulia kituoni kwa mbio kali, ndio maana blog hii imeona itoe mchango wa nini kifanyike na mabadiliko 
gani yafanyike. Kimsingi  kitu cha kwanza ambacho hata mtoto wa mwenye blog hii aligundua  ni kuwa kama kitu hakikukatazwa basi ni halali, hivyo basi ikiwa Wabongo wasipokatazwa kitu     waruhusiwa wafanye watakavyo, kutakuwa hakuna mtu anayevunja sheria. Hii ina maana kutakuwa hakuna haja ya mapolisi 
wala nini. Umeonaee. Watu wakianza maandamano yenye 
kuandamana na uporaji polisi wanakuwa hawana ishu ila 
wanahakikisha kila kitu kinaenda sawa, na ikiwezekana wawe 
wanagawa maji ya kunywa, sigara na biskuti na bangi kwa 
wananchi wanaotumia uhuru wao wa Kikatiba kufanya fujo katika ardhi yao. Hivyo kauli mbiu ingekuwa watu wakifanya fujo wape biskuti usiwapige, hii ingesaidia sana kungekuwa hakuna majeruhi wala mtu kuitwa na polisi kujieleza wala kitu 
chochote cha kuvunja haki za binadamu. Sisi kama Blog 
tunaomba kuwakilisha hoja, na mawazo yetu yaingizwe kwenye Katiba ya Bongoland…MSIWAPIGE WAPENI BISKUTI NA BANGI.

22 June 2013

DUNIA DUARA- WENGINE HAKITOSHI WENGINE KIMEZIDI

HAKITOSHI

KIMEZIDI

WAKAKA NA WADADA MSIJE MKASEMA HAMKUAMBIWA OHOOO

 Ya Kichina hayoooo, unaweza kudhani umepata kumbe umepatikana, blog hii imeona ijaribu kutoa somo kwa nyie wakaka  mnae mezeaga mate kwa kuona tu mtu kapita na hizi suruali za kisasa zinazobanaga. Unaweza ukawa unauziwa mbuzi kwenye gunia. Unaona kitu mahips ya nguvu na makalio fresh kumbee hola.

Wadada na nyie mnaweza kuona jamaa bonge ya hendsam, mtu ana six pack, mikono amejazia , ukaanza kutamba, oh mie nimepata kitu cha uhakika, hapa umeliwa unaona mikanda ya sidilia hiyooo? Ohoo haya Blog hii imeona kwa mara ya kwanza itoe soma la maana.