SAMBI SAKO MWENYEWE





 Katika kikao cha Bangi cha karibuni imetokea inshu kuwa Wabangi wengine wanajisugua mno mpaka wanachubuka ili kuwa na muonekano wa Wazungu wa Australia kusini.
Mjumbe mmoja wa Bangini alitamka wazi kuwa“Humu ndani kuna watu wanajisugua mpaka wanakuja kuumwa halafu sie ndio tunalazimika kuwapeleka hospitali, tena mara nyingine wanakuwa wamechubuka mpaka inalazimika kuwapeleka kwa waganga njaa wa kienyeji ili wakatibiwe.”
Habari za ndani zinaweka wazi kwamba, baada ya matamshi haya Mbangi huyo alisutwa msuto wa Kisutu na wahusika ama ndugu zao, ama washkaji zao, huku wakimwambia kuwa ‘Hayakuhusu babu wee’.
 ALICHOSEMA MTAALAM WA MARADHI YA MCHUBUKO
Mtaalamu alilalamika sana kwanini jambo hili la siri linaongelewa hadharani na kuwa ni wazi kuna watu wananjama za siri wanataka alale njaa, hivi kama watu wakiacha kujikwangua si yeye atakosa wagonjwa na hivyo kufukuzwa kazi? Baada ya kauli hiyo ya ambayo ndiyo habari ya mjini kwa sasa, Blog yetu isiyo na lolote la maana ikaanza kuwasaka Wabangi watoe dukuduku lao.
MBANGI 1: Kiukweli mimi kama mimi, na wewe kama wewe, hatufai kuingilia mambo ya mtu kama mtu hasa kama huyo mtu ni Mbangi, angekuwa raia wa kawaida hapo ndio mwongozo wa headfon unaruhusu kuwachamba hao wananchi wasio na akili wanaojikwangua.
MBANGI 2: Mi stumiagi hiyo kitu babangu, kwa sababu mi ni mweuuu…mweupe kweli
MBANGI 3: Be kwani kujikwangua ni sambi? Hata kama hifyo, ukijikwangua si sambi sako mwenyewe?
MBANGI 4: Kwanza renyewe ririrosema mbona rinajikwangua, rinanunuaga mkwanguo kure kwa rire rimjamaa ra Kongo Brazavili. Tunaendelea na upepeleza wa kina kuona inakuwaje watunga miongozo ya kukataza kujikwangua ndio wanaojikwangua?

No comments:

Powered by Blogger.