MTAFITI WETU AANGUSHA GARI WAKATI AKIMHOJI SUPASTA ANAETAKA KUOGA

-->
Watu wote wanajua kuwa waandishi ni watu wastaarabu. Waandishi hawakosei, hawadanganyi, hawalewi, hawaibi, hawasemi uwongo, hawatamani wanawake wasiye wao, hawatamani mali ya mtu mwingine, hawakutwi gesti, wana akili sana, wanajua majibu yote, wanajua kupiga vyombo vyote vya muziki, wanaishi vizuri, hawadhulumiwi na mabosi wao, hawapokei rushwa wala mshiko, pamoja na mengine mengi sana. Yaani tofauti kabisa na wasanii.  Kwa kuelewa hivyo blog hii si ikamapata kijana mmoja na kumpa kazi ya uandishi na kujua atafuata miiko hii iliyotukuka.......
, salaleeee, aibu mwanangu. Mhariri asiye mtendaji wa blog hii si akamtuma kanjanja huyo aende kumhoji yule supasta aliyetangazwa kuwa anataka kuoga hadharani, ili kujua nini tatizo la msingi?.....je, hana bafu? Au je, mganga wake kamtuma aoge njia panda nyota ndio itakuwa safi? Au je, ni msokoto toka Makambako unamzingua? Badala yake huyu tuliyedhani tunaweza kumlea awe mwandishi si akapewa kinywaji kidogo ili aondoe aibu wakati wa kuhoji, badala yake ikawa nongwa, kagoma kutoka mapa amalize kachupa alikoletewa na ikalazimika uongozi wa blog kumfuata pale mitaa ya  Komoa komoa jirani kabisa na ofisi za yule anaetaka kuoga njiapanda, akiwa hoi kalewa, mwandishi gani huwa analewa blog hii haijawahi kusikia hata siku moja eti mwandishi kaangusha gari, wasanii ndio wanaangushaga umeonaee. Blog hii kesho itaomba msamaha katika ukurasa wake wa mbele, kuhusu janga hili.

No comments:

Powered by Blogger.