HATUPIMI BANDO

WADHAMINI

13 October 2012

BREAKING NEWSSSSS WAFANYAKAZI WAGOMBANIA BLOG

Hii blog www.chekanakitime.blogspot.com itaniletea matatizo makubwa unaonaee. Nimepigiwa simu na bosi mmoja toka nchi jirani kuwa ninapunguza muda wa watu kufanya kazi katika kampuni yake kwa kuwa wafanyakazi wake imekuwa kama ni lazima kila asubuhi waanze siku kwa kuangalia nini kipya kimo kwenye blog. Kwa maelezo ya bosi mwenyewe Bwana Aziz, juzi kulitokea ngumi ofisini kwani muhudumu wa chai aliwahi kuwasha compyuta ya sekretari akawa anawahi kusoma habari mpya na ukatokea ugomvi wa kurushiana vikombe vya chai kati yake na sekretari ambaye alihoji mama chai kapata wapi pasiwed yake, ambayo ni mwaka wa kuzaliwa wa mume wake, ugomvi huu ulishika kasi baada ya ofisa usafi kuja na mop bichi na kumzaba nalo meneja utumishi ambaye alionekana akisisitiza watu wasiwe wanaangalia blog zozote nchini. Kwa kweli baada ya hapa ofisi ilichafuka kwa kila mtu kutafuta upande wa kusaidia ingawaje inaonekana sababu zilibadilika kidogo maana, yule binti wa masjala alisikika akisema ,'Ukome kuchukua mabwana wa watu, cha ajabu alikuwa anampiga na mafaili kijana ambaye aliingia tu kwenye ofisi hiyo kwa shida ambayo haijaeleweka mpaka tunakwenda mitamboni. Kwa kweli ni busara za mzee mlinzi tu ndio zilizozima vurugu ile. Kama bosi wa blog ntakaa na washauri wangu kuona tuongeze kipengele kipi ili kuweza kuamsha hisia kama hizi katika ofisi nyingine. Wasalaam

No comments: