BREAKING NEWS-UTAFITI WA KISAYANSI KUHUSU WAZAZI


UTAFITI unaonyesha kuwa akina mama huwa wanatabia tofauti wakati wa uja uzito na mara baada ya kujifungua. tabia hizi hutegemea je, ni mimba ya kwanza, au ya pili au ya tatu
Mimba ya kwanza- Akina mama huanza kuvaa teniti mara tu baada ya kuhakikishiwa na dokta au nesi kuwa wana mimba.
Mimba ya pili- wanachelewa sana kuvaa teniti, huendelea kuvaa nguo zao za kawaida mpaka dakika za mwisho.
Mimba ya tatu- Hakuna tena haja ya teniti maana nguo zao za kawaida kwa wakati huu huwa sawa tu na teniti.
 Jina la mtoto wa kwanza hutafutwa kwa makini tena siku hizi wamama huwa wanafikia mpaka  kugoogle kabisa ili kupata jina sahihi
Jina la mtoto wa pili hutokea tu hata ndugu akataja jina la shangazi moja wapo au mama mkubwa au mjomba linakubalika.
Jina la mtoto wa tatu litategemea na kituko kitakachotokea wakati huo, anaweza akaitwa Obama, Diamond, Rick Ross huwa halisumbui. Hata jina la dokta aliyekuwa wa kwanza kuingia baada ya mtoto kuzaliwa poa tu.
 Matayarisho ya mtoto wa kwanza huwa makubwa, mama huweza hata kununua vitabu kama UZAZI BILA MAUMIVU, na kufanya mazoezi ya kutembea kupumua na kadhalika. Mimba ya pili hakuna mazoezi , Mimba ya tatu hata mume anaendelea kulewa tu bila wasiwasi mpaka siku ya mwisho.
Nguo za mtoto wa mimba ya kwanza hutayarishwa kwa makini, kama mvulana nguo za kivulana tu, tena hata kwa kumechisha rangi za mashuka, na zinapangwa vizuri miezi kabla ya siku ya kuzaliwa. Mtoto wa pili anarithi zile nzuri zisizo na madoa za yule wa kwanza, mimba ya tatu, mtoto atavaa chochote walichoacha ndugu zake.
Mama akianza kazi baada ya uzazi wa mtoto wa kwanza, siku ya kwanza anamuachia dada mtoto, utakuta anapiga simu kila dakika 5 kutoa maelekezo nini cha kufanya. Kwa mtoto wa pili anahakikisha anamuachia dada namba yake. Kwa mtoto wa tatu dada anaambiwa apige simu tu kama mtoto anaumwa. 
Mama akipata mtoto wa kwanza muda mwingi utakuta anatumia kumuangalia mwanae na kushangaa vituko vya mtoto. Akipata mtoto wa pili muda mwingi anaangalia yule mkubwa asije akamfinya au kumchoma na msumari mtoto mpya. Akipata mtoto wa tatu anahangaika kila mara kuficha vitu vya mtoto mpya visichukuliwe na wale wakubwa



No comments:

Powered by Blogger.