IDADI YA WAGENI

LAPF

LAPF
LAPF

18 January 2017

WANAMUZIKI NA WANASIASA KUMBE NDUGU KABISA



Nilikuwa nimekaa kwenye kijiwe kimoja wanapouza pombe za kikwetu, nashushia plastiki moja baada ya jingine, siku hizi hata hivi vijiwe vyetu hivi vimeboreshwa kuna luninga. Hata sisi sasa tunaona laiv hotuba za wanasiasa na kupata burudani ya kusindikizwa na Bongofleva wakati wa kushushia hii kitu. Ujue ukiwa unakunywa hivi vitu akili inachangamka, unaweza ukaanza kinywaji hujui kiingereza baada ya plastiki tatu kiingereza kinakuwa rahisi kabisa. Au unaanza hujui kabisa kucheza lakini baada ya plastiki kadhaa unakuwa na uwezo wa kucheza show kwenye kundi la Wasafi Classic, hizi ni baadhi ya faida chache za pombe za huku kwetu ambazo Taifa halijazitumia. Sasa hapa akili imechangamka nimegundua kumbe wanamuziki na wanasiasa ndugu kabisaa, tena inawezekana hawa ni pacha. Kwanza kabisa wote wanaishi mjini kwa kutunga mistari. Ila huyu ndugu mmoja huwa anaweka biti kwenye mashahiri yake hivyo anayosema yanautamu unajikuta unacheza wakati unamsikiliza. Ukianza na babu za hawa Bongofleva, utakumbuka wimbo kama Dada Asha wa Tabora Jazz ambapo mwimbaji aliahidi kumnunulia Asha ndege. Wale urafiki Jazz wakawa na wimbo wao eti maisha mjini hayafai wanaenda kijiji cha Ujamaa kulima. Watu wakakubali na kucheza sana mistari hiyo, wakati wanamuziki hao wanapoahidi kumnunulia Asha ndege, hata baiskeli hawana, dah, hawa na walipokuwa wakihimiza watu kwenda kijijini kulima hata jembe walikuwa hawajui linashikwaje. Hao ndio wanamuziki bwana na mpaka leo hawajabadilika ila wameboresha uwongo wao siku hizi unasindikizwa na video, wote wana mabinti wakali, magari ya kifahari nguo za bei mbaya na nyumba za ghorofa, vyote hivyo hawana hahahahaha. Sasa ndugu zao wanasiasa nao wana mistari mikali lakini bila muziki, hawa bwana wanaweza kukwambia nipe kura zako ntakuletea barabara, utaishi maisha kama Ulaya, kila mtu utakuwa na hela mfukoni, magonjwa yatakwisha. Mwenyewe utajikuta unapiga makofi. Na wao siku hizi wameboresha mistari yao, inaonekana mpaka kwenye luninga, ukiingia mkenge uwachague ndio huwaoni tena mpaka baada ya miaka mitano wanapokuja kukupa mistari mingine iliyoboreshwa zaidi. Ngoja niongeze plastiki jingine, nami nijione nina ngumi kama Tyson, nikawashushie kipigo wale vibaka mtaani kwetu.  

Posted By John KitimeWednesday, January 18, 2017

14 January 2017

UNAKUMBUKA MAMBO ENZI ZA MITIHANI

Unakumbuka mambo yalivyokuwa siku za mtihani?

1. Katikati ya mtihani unasikia mwanafunzi anaekujaga wa kwanza kila siku anamwambia mwalimu, 'Samahani mwalimu swali la 4 limekosewa' , wakati huo wewe lile swali umeshalijibu lote bila tatizo....

2. Pale unaposikia wanafunzi wenzio wanaomba karatasi za graph, wakati wewe umeshamaliza maswali yote na hukuona popote panahitaji karatasi ya graph........
3. Pale ambapo msimamizi wa mtihani anatangaza. 'Rukeni swali la sita tutalirekibisha', wakati swali hilo wewe ndio uliona rahisi kuliko yote.....
4. Pale unapoona wenzio wote wanatumia rula na wewe huoni mahala popote panapotakiwa rula.....
5. Mkisha maliza mtihani wa hesabu mko nje mnapumzika kungojea kuingia kufanya mtihani wa Jiografia, wenye akili wanabishana, 'Jibu pale lilikuwa asilimia 38 mwingine anasema hapana ni asilimia 38.5, wakati wewe jibu ulipata 4500.....

Posted By John KitimeSaturday, January 14, 2017

12 January 2017

WASHKAJI MNABOA JIREKBISHENI 2017


Oya washkaji naona sasa niongee lugha mtakayonielewa, mwaka huu lazima tubadilike au vipi? Kuna watu wanaboa mpaka basi  sasa nimeona niwaibukie humu mnielewe. Nianze na washkaji wa Ubungo kituo cha mabasi yaendayo mikoani, aise hivi nani aliwaambia mradi mtu anapita karibu na hicho kituo basi lazima anataelekea Moshi Arusha Mwanza Iringa au  Njombe? Yaani kila siku napita hapo naelekea home Ubungo hamchoki kunisumbua eti niende kwenye miji hiyo nasema nimechoka mnaboa, anaesafiri si ataingia ndani kuafuta tiketi?  Kwanza kuingia kiyuoni nako ni shida tupu, mmeweka milango ya chuma ya kuzunguka, mtu ukija na tenga lako kubwa hamruhusu apite geti kubwa eti lazima apite kwenye kamalango hako kakuzunguka ambako hakatoshi kupitisha tenga, mnataka afanye miujiza, au yote hii kusudi watu wakodi vitorori  vyenu ambavyo mnaviruhusu kupita kwenye geti kubwa mnaboa sana mjue. Mtu achukue mzigo wangu halafu apite geti ambalo mi siruhusiwi kupita tukipotezana si ndio mzigo wangu umekwenda na maji? Mnajua mnaboa  aise. Halafu mtindo wa kuuza tiketi yuzd pale mlangoni wakati wa kuingia acheni mwaka huu, ntakuja lianzisha pale tutaishia kugawana majengo ya serikali mmoja magereza mwingine hospitali ohoo. Halafu kamtindo kanyie makonda kuruhusu watu kuja kuhubiri bidhaa zao kwenye mabasi acheni mwaka huu, mtu umeamka kwenye saa tisa usiku uwahi basi la saa kumi na mbili asubuhi ile unajinyoosha kupunguza usingizi unasikia, “Samahani ndugu abilia Je, unachunusi au unanuka kikwapa? Je, soksi zinanuka? Usikonde tunakuletea dawa ya kunywa ya Anko K inasaidia sana, hata mimi nilikuwa nanuka kikwapa siku hizi sinuki kabisa kwa ajili ya bidhaa hizi” Aise mnaboa sana mjue.
Halafu hivi nyie machinga wa Kibaha mabasi yamewakosea nini? Basi likiingia kituoni Kibaha lazima kila machinga aligonge kwa ngumi, yaani sijui ndio masharti ya waganga wenu kuwa mkitaka kuuza basi basi likiingia kituoni pigeni ngumi, yaani kama ndio umetoka Dar na umeshaanza kupata kausingizi, unaweza kukurupuka ukadhani labda basi linapata ajali.
Mjue mnaboa sana  kwa kweli

Posted By John KitimeThursday, January 12, 2017

7 January 2017

2017 SITAKI TENA SIMU ZA KUPANGUSA


Haya tumshukuru Mungu 2017 ndiyo hiyo tumevuka. Tunanza na mikakati ya kuishi vema 2017. Mimi nina mipango mikakati kibao, ngoja niwamegeeni michache labda itawasaidia. Mkakati wa kwanza nikubadilisha taratibu zangu za mawasiliano. Wakuu natangaza kuwa hamtaniona tena whatsapp, wala insta wala facebook. Ile simu yangu ya kufuta nauza tena nauza bei rahisii. Nimegundua ile simu ina jinni la kumaliza pesa, jinni la kumaliza muda, na wote hao wakishirikiana na jinni mahaba. Yaani kuna jini mle linakulazimisha uwe na vocha muda wote masaa 24, yaani linakufanya hata ukiumwa badala ya kwenda kununua dawa we unaenda kununua vocha ili tu uposti kwenye whatsapp na facebook kuwa unaumwa, sasa akili gani hiyo. Yaani ukiamka bila credit kwenye simu unakuwa kama mgonjwa, unahangaika kutafuta pesa hata ikiwezekana ujidhalilishe uombe watu wengine wakuunganishe. Jini baya sana lile. Hili jini la kumaliza muda linahakikisha akili yako yote imekaa inangojea meseji za whatsapp, usiku na mchana, kabla hujalala lazima ucheki nani katuma ujumbe, na kama ukikuta grup lina stori unaweza ukajikuta uko macho saa tisa za usiku unajibishana na mtu yuko Marekani ambako mwenzio kule mchana jua linawaka. Hata kama unaendesha gari hili jinni linakulazimisha uwe unachat, yaani badala ya kuwaza mambo ya kutafuta pesa unahangaika shingo umekunja, unachat na watu kumi kwa mpigo. Huku insta lazima ucheki kama kuna mtu kamtukana supasta wako ili timu yenu mmchangie kumpasha, sasa jambo la ujinga ni kuwa supasta mnaemtetea wala hawajui wala hana taimu na nyinyi sasa si bangi hizi? Halafu kuna hili jinni mahaba, hili linakurahisishia kupata wapenzi wengi kwenye simu halafu wote kazi yao ni kukuomba uwaunganishe muda wa maongezi, hebu fikiria mtu una wapenzi kumi kila mmoja anaomba muda wa maongezi, si kutiana umasikini huku? Unamuandikia mmoja  I miss you halafu una kopi na kupesti kuwatumia wote tisa kila nusu unakazi hiyo, hapana imetosha nauza hii simu ya kupangusa, naanza 2017 na ka nokia tochi hata kama yuzdi tu, mradi niwe huru na hawa majini.

Posted By John KitimeSaturday, January 07, 2017

29 December 2016

LEO KATIKA UKUMBI WA KING SOLOMON'S HALL NAMANGA USIKOSE MAMBO HAYA

Utakosaje?Tiketi zinapatikana sasa EATERS POINT Namanga na Masaki. Tiketi za VIP Zimebaki chache. Pia tiketi zitauzwa mlangoni kuanzia saa mbili usiku. Njoo usikilize muziki tofauti na kucheza mpaka usiku mkali
You can't miss this.Tickets are available at EATERS POINT Namanga and Masaki. Limited VIP Tickets. Tickets will also be sold at the door from 8pm. Come and enjoy different varieties of music and dance tour heart out
JOHN KITIME &WAHENGA BAND

JOHN MHINA & THE TANZANITES

TAJ MBARAKA MWINSHEHE


MUSIC MAYDAY ARTISTS

Posted By John KitimeThursday, December 29, 2016

27 December 2016

BAADA YA KRISMAS, MAMBO KATIKA PICHA







Posted By John KitimeTuesday, December 27, 2016

15 December 2016

#FreeMaxence

img-20161215-wa0034

Posted By John KitimeThursday, December 15, 2016

13 December 2016

NYIE MUTU YA KENYA HII NDIO PHOTOSHOP NI GANI?


Posted By John KitimeTuesday, December 13, 2016

UKINYIMWA UNYUMBA KASHTAKI POLISI


Na Dotto Mwaibale

WANANDOA wanaojimwa ujumba na wenza wao wametakiwa kwenda kushitaki dawati la jinsia yaliyopo vituo mbalimbali vya polisi ili kupatiwa utatuzi wa changamoto hiyo.

Mwito huo umetolewa na Mkuu wa Wilaya ya Temeke Felix Lyaniva wakati akizindua maonyesho ya dawati la jinsia na watoto katika viwanja vya Mwembe Yanga Temeke Dar es Salaam leo ambayo yalishirikisha wadau mbalimbali kutoka Hospitali ya Amana wilayani Ilala na wananchi.

"Ukatili wa kijinsia si kupigana na kutukana hata mume na mke wakinyimana unyumba pia ni ukatili wa kijinsia hivyo anayejimwa hasione aibu aende kushitaki dawati la jinsia katika kituo chochote cha polisi" alisema Lyaniva.

Lyaniva aliwataka wananchi wanao fanyiwa vitendo vya ukatili wa kijinsia kwenda kwenye dawati hilo kupata ushauri kutoka kwa maofisa wa polisi waliopatiwa mafunzo ya kutatua changamoto hiyo.

Katika hatua nyingine Lyaniva aliwaagiza maofisa wa polisi wa dawati hilo kutotoa nje siri za watu wanaopeleka malalamiko yao katika dawati hilo kwa kufanya hivyo ni kukiuka utaratibu wa kazi.

Aliwaasa wanandoa kuwa na mshikamano na upendo ili kuwa na familia bora na yenye maadili jambo litakalosaidia kutokuwepo kwa watoto waliokosa maadili na kujiingiza kwenye makundi ya kiovu kama panya road.

Lyaniva aliwaomba wanawake pale wanapopata mafanikio ya maisha kupata fedha au kupanda vyeo kuacha kuwadharau waume zao ili kuepusha kuvinjika kwa ndoa zao.

Kamanda wa Polisi wa Mkoa wa Temeke Kamishna Msaidizi Mwandamizi wa Polisi, (SACP), Gilles Muroto amewataka wananchi wasiogope kwenda kutoa taarifa za ukatili wa kijinsia katika vituo vya polisi kwani malalamiko yao yatasikilizwa kwa faragha na maofisa maalumu wa jeshi hilo.

Maonyesho hayo yamedhaminiwa na Shirika la Umoja wa Mataifa (UN).








 Mkuu wa Wilaya ya Temeke,  Felix Lyaniva (katikati), ambaye alikuwa mgeni rasmi akihutubia wakati akizindua maonyesho ya dawati la jinsia na watoto Wilaya ya Temeke viwanja vya Mwembe Yanga Dar es Salaam leo asubuhi. Kutoka kulia Mkuu wa Polisi wa Kituo cha Chang'ombe (OCD) Msuya, Mwakilishi wa Umoja wa Mataifa (UN), Lucy Tesha, Kamanda wa Polisi Mkoa wa Temeke, Kamishna Msaidizi Mwandamizi (SACP), Gilles Muroto na Kamishna Msaidizi wa Polisi, Vedastus Chambu kutoka Kamisheni ya Polisi Jamii Makao Makuu ya Jeshi la Polisi Nchini.

 Mkuu wa Wilaya ya Temeke,  Felix Lyaniva (Wa pili kushoto), akikata utepe kuashiria uzinduzi wa maonesho wa  maonyesho ya dawati la jinsia na watoto Wilaya ya Temeke katika viwanja vya Mwembe Yanga Dar es Salaam leo asubuhi. Kutoka kulia Mkuu wa Polisi wa Kituo cha Chang'ombe (OCD) Msuya, Kamishna Msaidizi wa Polisi (ACP), Vedastus Chambu kutoka Kamisheni ya Polisi Jamii Makao Makuu ya Jeshi la Polisi Nchini, Kamanda wa Polisi Mkoa wa Temeke, Kamishna Msaidizi Mwandamizi (SACP), Gilles Muroto na Mwakilishi wa Umoja wa Mataifa (UN), Lucy Tesha.

 Mwakilishi wa Umoja wa Mataifa (UN), Lucy Tesha akihutubia kwenye uzinduzi huo.
Viongozi mbalimbali wakiwa kwenye uzinduzi huo.
Wadau na wananchi wakifuatilia hutuba za mgeni rasmi Mkuu wa Wilaya ya Temeke, Felix Lyaniva.

Maofisa Wanawake wa Jeshi la Polisi  Dawati la Jinsia wakiwa kwenye Maonyesho hayo. 


 Wananchi na wadau wengine wakifuatilia hotuba ya mgeni rasmi
 Wananchi na wadau wengine wakiwa kwenye maonyesho hayo.

 Mrakibu wa Jeshi la Polisi, (SP), Faidha Suleiman (kushoto), ambaye anashughulikia dawati la jinsia Makao Makuu ya jeshi hilo akimkabidhi Mgeni rasmi DC wa Temeke machapisho mbalimbali ya ukatili wa kijinsia ikiwemo miongozo ya uanzishaji wa dawati la jinsia na watoto ndani ya jeshi hilo.
  Mrakibu wa Jeshi la Polisi, (SP), Faidha Suleiman (kushoto), akimuelekeza Mkuu wa Wilaya ya Temeke kuhusu kazi kubwa inayofanywa na jeshi hilo kwenye idara ya dawati la jinsia.
Wananchi wakipata machapisho mbalimbali.

Posted By John KitimeTuesday, December 13, 2016

10 December 2016

NDOA BILA SENDOFF ETI SIO NDOA

Unajua hapa Bongo kuna watu wakorofi sana, kuna watu wanajifanya wao wako kama serikali. Yaani wakisikia chochote kimefanywa na serikali na wao wanataka kufanya pia, sijui wakoje? Tabu yake mambo wanayofanya ndio yale wastaarabu wanaita kudandia treni kwa mbele, mambo ya uchizi uchizi tu. We fikiria, juzi zilienea habari kuwa kama hukusoma fom siksi, basi diglii yako feki, sasa imekuwa tabu mtaani nakwambia. Binamu yangu kaenda kuomba kazi ya ulinzi kaulizwa kiwango cha elimu yake, akawambia alimaliza la saba, akaulizwa kama alisoma nasari, alipowaeleza kuwa hakupitia huko, wakamwambia hawezi kupata kazi maana cheti chake cha darasa la saba kitakuwa feki. Jamani nasari na cheti cha darasa la saba wapi na wapi? Kama sio uchizi ni nini hicho? Kali zaidi imetokea huko kijijini kwetu, ndugu yangu Abuu alikutana na binti mrembo wakapendana na wakapanga kuoana. Abuu akaanza mipango ya ndoa kwa kufuata taratibu zote za awali, akajitambulisha kwa wakwe, kisha akatafuta mshenga na kukamilisha kutoa mahari, baada ya muda si mrefu harusi ikafanyika wapenzi hawa wawili wakawa mtu na mkewe. Katika kutafuta maisha Abuu akaamua kuhamia mjini kutafuta kibarua, Mungu si Athumani akapata kibarua, akapata chumba cha kupanga kwa mama mmoja mwenye maneno mengi, akaona bora amuite mke wake mpenzi maisha yawe ya furaha zaidi. Kitendo cha kumleta mkewe kikaanzisha maneno toka kwa mama mwenye nyumba. Akanza kulalamika kuwa nyumba yake inageuzwa dangulo. Awali jamaa yangu hakujua kuwa yale maneno yalimhusu yeye. Ila siku moja ikawa dhahiri kuwa vijembe vile ni vyake. Akaona amuulize mama mwenye nyumba kwanini ana mnyanyasa vile. ‘Mama vipi nasikia unalalamika kuwa nimegeuza nyumba yako kuwa dangulo, sijakuelewa’ . Yule mama akawa utadhani ndio alilokuwa akilingojea maisha yake yote. ‘Ehee baba nilikupangisha chumba nikakuona wewe ni mtu mtulivu sasa naona umeleta changudoa nyumbani kwangu’. Jamaa akaja juu,’Mama nitake radhi huyo ni mke wangu nimemuoa kwa taratibu zote huwezi kumuita changudoa’. Ilikuwa kama vile yule mama hakuamini, akauliza ‘Ndoa yenu ilikuwa a sendoff?’ ‘Sendoff ya nini? Kijijini kwetu hakuna kitu kama hicho’ Looo hapo ndipo uchizi ukaingia, yule mama akapiga kigelegele, ‘Unaona nilijua tu, hapo hakuna ndoa. Ndoa bila sendoff ni ndoa feki’ Dahhh kweli uchizi unaongezeka

Posted By John KitimeSaturday, December 10, 2016

8 December 2016

BWANA USIHANGAIKE SANA

JAMES alikuwa anatokwa na jasho, alikuwa kachelewa mkutano muhimu na alikuwa kesha zunguka sana anatafuta nafasi ya kupaki gari lake. Basi akanyanyua mikono juu na kuomba. "Bwana ukinipatia nafasi nitakuwa naenda kanisani kila Jumapili sikosi'. Ile kumaliza tu mbele ikatoka gari moja akapata nafasi ya kupaki, basi akanyanyua mikono juu tena, 'Bwana usihangaike nimeshapata nafsi'

Posted By John KitimeThursday, December 08, 2016

7 December 2016

BAJAJ ZINAPATA TABU SANA


Posted By John KitimeWednesday, December 07, 2016

SIKUBALIANI NA BARUA YAKO


The Human Resource Manager,
KUBOMA  MIKUSU LTD Co.
IRINGA
7 Dec, 2016

Mheshimiwa,

YAH: KUKATAA MAOMBI YANGU YA KAZI

Mheshimiwa nakiri kupokea barua yako ya  tarehe 3 Novemba 2016, ambayo ulinitaarifu kuwa maombi yangu ya kazi yamekataliwa. Naomba nikutaarifu kuwa sikubaliani kabisa na yaliyoandikwa katika barua yako ya kunikatalia kazi kwenye kampuni yako. Wewe ni HR wa saba kuniandikia barua ya namna hiyo, sasa nimechoka, mmeona kila mkijibu hivyo nanyamaza tu mnaona mi ni mnyonge sana sasa nasema nimechoka. Kwa maandishi yako mwenyewe umekiri kuwa vyeti vyangu ni vizuri sasa tatizo liko wapi?
Kwa hiyo pamoja na sifa kubwa ya kampuni yako, na uzoefu unaouonyesha wa kukataa kuajiri watu, nimeona naikataa barua uliyoniandikia na kwa taarifa yako tafadhali tayarisha kiti na meza yangu, kwani Jumatatu tarehe 12 Desemba nakuja kuanza kazi. Nategemea ushirikiano mwema toka kwako na viongozi wengine
Mi si mtu wa mchezo mchezo
Ndimi mtiifu

John  Mnyalu

Posted By John KitimeWednesday, December 07, 2016

5 December 2016

MKUTANO MKUU WA TANZANIA BLOGGERS NETWORK WAZINDULIA LEO....

MABLOGA wa Tanzania chini ya chama chao Tanzania Bloggers Network leo wamezindua Mkutano Mkuu wao ambao umeanza kwa elimu mbalimbali kuhusu shughuli yao. Shughuli nzima ilizinduliwa na Mkurugenzi wa Idara ya Habari na Maelezo, Dr Hassan Abbasi. Blogu hii hewa iliwakilishwa na Bosi wake. Picha na maelezo ya shughuli ilivyokuwa ni kama ifuatavyo;
Wapiga Picha wakijitahidi kumziba mgeni wa heshima ili sisi watu wa kawaida tusimuone.
Hai tebo
Afisa wa NMB akiwashauri mabloga faida za kuweka mkwanja wao benki

Vigogo wa tasnia

Maxence wa Jamii Forums akitoa ushuhuda
Bosi wa blogi hii akifuatilia kipengele muhimu cha Mkutano


Posted By John KitimeMonday, December 05, 2016

4 December 2016

HII NI KABLA TRUMP HAJAINGIA MADARAKANI. SASA KIFUATACHO SIJUI ITAKUWAJE


Posted By John KitimeSunday, December 04, 2016

1 December 2016

TANGAZO TANGAZO TANGAZO...JE UNA CHETI CHA DARASA LA SABA WAKATI HUKUPITIA NASARI? SOMA HAPA

video
TANGAZO KWA WAFANYAKAZI WOTE WA CHEKANAKITIME BLOG
WALE WOTE AMBAO WAMEPATA CHETI CHA DARASA LA SABA KUMBE HAWAKUPITIA NASARI, WAJITAYARISHE NAKUJA KUWATUMBUA HUKO HUKO MLIKO. KWA USALAMA WAKO KAJIUNGE NA NASARI HARAKA UPATE CHETI CHA KUMALIZA NASARI KISHA UFANYE MTIHANI WA DARASA LA NNE HATIMAE NDIO UPATE CHETI CHA LA SABA NDIO HAPO TU SIKUTUMBUI. SIRUDII TENA TANGAZO HILI

Posted By John KitimeThursday, December 01, 2016

29 November 2016

JAMANI WACHAWI WAPO MTAANI KWETU


Wachawi bado wapo bize sana kama hujui. Halafu wachawi bwana watu wana roho mbaya sana, ishu zao huwashughulikia watu wao wa karibu tu. Ukiwa mnatoka kijiji kimoja, au mtaa mmoja au nyumba moja, au nduguyo au rafiki yako, kati ya hao ndo atatoka atakae kuloga. Kama hakujui mchawi hana shida na wewe. Unajua wachawi wana mbinu mbaya sana kwa mfano umepiga dili limetiki una tumilioni kadhaa, au umepokea fedha zako za mafao ya kustaafu, au singo yako imehit, unapitapita kwa nduguzo au marafiki kuulizia ufanye mradi gani, basi mmoja wapo kama mchawi atakupa wazo, kwa mdomo au kimawazo, ohh fungua genge au fungua kigrosari, nunua gari au kalime. Basi utaona bonge la wazo, mihela yako yote unaingiza kwenye mradi. Kama genge ndio utaona watu wanalikwepa tu, mpaka mtaji unakuishia hivihivi laiv, kama ulifungua kigrosary utajikuta au wewe mwenyewe unageuka mlevi unajikopesha hizo pombe na kununulia wateja wako mpaka kamradi kana buma, kama umenunua kagari, siku mbili tu kamepigwa mzinga, ukijidai kulima basi mwaka huo ndio bei ya ulicholima kinashuka bei ghafla unaambulia patupu, hapo ujue kuna mkono wa mtu. Jana na mimi yamenikuta nimelogwa hivihivi najiona. Niliamka nikiwa na alfu tu, njaa inauma, nikangia kwa mama ntilie nipate japo kikombe cha chai cha mia, maandazi mawili ya mia na bakuli la maharage la mia tatu. Hapo nikajua nabakiwa na mia tano, itatosha nauli ya daladala kwenda kariakoo nikabahatishe chochote.  Mama ntilie akaniletea oda yangu nikaanza kula taratibu, hee kutizama chini hivi si nikaona mtu kadondosha noti ya alfu, basi kwa ustadi mkubwa nikaivuta kwa mguu bila mtu yoyote kunishtukia kisha nikaikanyaga vizuri. Roho yangu ikawa sasa na amani, nilipomaliza raundi ya kwanza nikaagiza tena chai nyingine, maandazi na maharage. Wakati wa kulipa nikainama na kuchukua ile alfu na kumpa mama ntilie tukaagana kwa furaha tumbo limejaa safii. Nikakimbilia daladala la Kariakoo nikakaa tena kwenye dirisha nipate upepo. Mchezo ukanigeukia konda alipotaka nauli, nilijisachi mwili mzima siioni alfu yangu, machozi yalinilengalenga nilijua konda hatanielewa. Na hapo ndipo akili ikanijia kuwa ile alfu nilidhani kadondosha mtu mwingine nilikuwa nimedondosha mimi mwenyewe. Nikagundua mara moja lazima kuna mchawi kaniroga, na nina shaka na kale kazee mtaani kwetu nilikokaambia siji kukaamkia dahh kweli uchawi upo

Posted By John KitimeTuesday, November 29, 2016

23 November 2016

NYIE WANA IJI YA KENYA KISWAHILI YENU APANA MUSURI

SASA kama mvua iko naendelea kunya, wana inchi kwanini wakue macho, si wazibe pua harufu itatoka ile kali? Nataka toa advice mukuje Tanzania mpaka iache kunya.

Posted By John KitimeWednesday, November 23, 2016

KUMBE MTEJA NI HUYU?


Aise yaani huwezi amini ni kizungumkuti. Lakini swali kubwa ni hela kashika nani? Maana kila mtu anasema hana hela sasa zimekwenda wapi? Juu ya hapo unasikia na benki nazo zinalalamika kuwa biashara mbaya, sasa hela ziko wapi? Au wenye hela  wamezificha uvunguni mwa vitanda badala ya kuzipeleka benki?  Yaani sielewi. Juzi baba mwenye nyumba kanifwata asubuhi kabla hata hakujakucha akanambia hataki maneno mengi anataka kodi yake. Akili  ikawa inanizunguka, mfukoni senti tano sina. Nilikuwa na kativi kangu chogo nikaona nikaona bora nitafute mteja nikauze ili nipate japo hela ya kumpunguza makali ya baba mwenye nyumba.  Katika kutafuta wateja fundi tivi mtaani kwangu akanambia kuna mteja alikuja kuulizia tivii ya bei rahisi hivyo kama ninayo yeye anaweza kuiuza chapchap. Nikabeba mgongoni mali na kuipeleka kwa fundi, kisha nikaelekea kuendelea na shughuli zangu. Kila dakika kumi nilikuwa nambip fundi kujua nini kinaendelea. Hatimaye fundi akanambia biashara inaonekana imetiki, mteja kaipenda mali yangu, kaahidi kuja kuichukua. Nilijisikia mzigo mzito ukishuka kutoka mabegani kwangu, maana ningemlipa baba mwenye nyumba japo kidogo, ningepata nafuu ya miezi kama mitatu hivi nijipange upya. Niliporudi nyumbani nikamkuta baba mwenye nyumba ananisubiri, kakunja uso akionyesha hataki utani. Bila kupoteza muda akanambia anataka hela yake leo leo. Nikatumia kila lugha kumtarifu kuwa kuwa dili nafanya na kesho yake ningelipwa. Baada ya matusi ya kutosha akaondoka na kunambia kesho yake anarudi acute pesa. Nikampigia fundi kuulizia kuhusu mteja, fundi akanambia mteja akasema kuna mahala atalipwa hivyo atachukua mzigo kesho yake. Mapema asubuhi nikatumiwa mesej na baba mwenye nyumba, kuwa nitimize ahadi au patawaka moto. Nami nikamtumia fundi ujumbe ajaribu kumkumbusha mteja ili alipe mapema. Kufikia mchana ngoma ikawa palepale, mali yangu haijalipiwa na mteja aalikuwa kasema anasubiri pesa. Wakati nawaza ntafanyaje mteja asipolipa, fundi akanipigia simu niende kwake nikutane na mteja uso kwa uso tukubaliane. Nikaenda haraka kwa fundi huku nasali kimoyomoyo kuwa mteja alipe japo kitu cha kumuonyesha baba mwenye nyumba. Nilipofika kwa fundi si nikamkuta baba mwenye nyumba kumbe ndie mteja wa tivi yangu. Nilijisikia miguu ikiishiwa nguvu  

Posted By John KitimeWednesday, November 23, 2016

HIZI FIKSI ZA WANAIJERIA ZINAFIKIA PABAYASASA WAANZISHA CHUO CHA UNABII


Posted By John KitimeWednesday, November 23, 2016

UA-35416264-1